Ghalib Ghazal, apni lajawaab shayari aur gehraayi ke liye mashhoor, Urdu adab ka ek amulya hissa hai. Har Ghalib Ghazal mein mohabbat, dard, aur zindagi ke mukhtalif pehluon ko bayaan kiya gaya hai, jo har shayari ke shaukeen ke dil ko choo jati hai. Ghazal in Urdu, apni khubsurati aur andaaz se, jazbaat ko is tarah se pesh karti hai ke har lafz ek nayi kahani sunata hai. Urdu ghazal ki duniya mein Ghalib ka naam ek misaal hai, jahan har ghazal apni ek alag pehchaan rakhti hai. Hamari collection mein aapko Ghalib Ghazal aur Ghazal in Urdu ki behtareen shayari milegi, jo aapko Urdu adab ki gehraayi aur khoobsurati se milwayegi.
Explore karein aur in she’ron ka lutf uthayein jo dil se baat karte hain.
Mirza Ghalib Ghazal
Mirza Ghalib Ghazal in Urdu Text
✧･ﾟ: ✧･ﾟ: غزل :･ﾟ✧:･ﾟ✧
دونوں جہان دے کے‘ وہ سمجھے‘ یہ خوش رہا
یاں آ پڑی یہ شرم کہ‘ تکرار کیا کری
تھک تھک کے‘ ہر مقام پہ دو چار رہ گئے
تیرا پتا نہ پائیں‘ تو ناچار کیا کریں؟
کیا شمع کے نہیں ہیں ہوا خواہ اہلِ بزم؟
ہو غم ہی جانگداز‘ تو غمخوار کیا کریں؟
مرزا غالب
✧･ﾟ: ✧･ﾟ: غزل :･ﾟ✧:･ﾟ✧
گدائے طاقتِ تقریر ہے زباں تجھ سے
کہ خامشی کو ہے پیرایۂ بیاں تجھ سے
فسردگی میں ہے فریادِ بے دلاں تجھ سے
چراغِ صبح و گلِ موسم خزاں تجھ سے
نیاز‘ پردۂ اظہارِ خود پرستی ہے
جبینِ سجدہ فشاں تجھ سے‘ آستاں تجھ سے
اسدؔ طلسمِ قفس میں رہے‘ قیامت ہے!
خرام تجھ سے‘ صبا تجھ سے‘ گلستاں تجھ سے
مرزا غالب
✧･ﾟ: ✧･ﾟ: غزل :･ﾟ✧:･ﾟ✧
دل سراپا وقفِ سودائے نگاہِ تیز ہے
یہ زمیں مثلِ نیستاں‘ سخت ناوک خیز ہے
ہو سکے کیا خاک دست و بازوئے فرہاد سے
بے ستوں‘ خوابِ گرانِ خسروِ پرویز ہے
ہے بہارِ تیز رو گلگونِ نکہت پر سوار
یک شکستِ رنگِ گل‘ صد جنبشِ مہمیز ہے
مرزا غالب
✧･ﾟ: ✧･ﾟ: غزل :･ﾟ✧:･ﾟ✧
کعبہ میں جا رہا‘ تو نہ دو طعنہ‘ کیا کہیں
بھولا ہوں حقِ صحبتِ اہلِ کنشت کو
طاعت میں تا‘ رہے نہ مے وانگبیں کی لاگ
دوزخ میں ڈال دو‘ کوئی لے کر بہشت کو
ہوں منحرف نہ کیوں‘ رہ و رسمِ ثواب سے!
ٹیڑھا لگا ہے قط‘ قلمِ سر نوشت کو
غالبؔ! کچھ اپنی سعی سے لہنا نہیں مجھے
خرمن جلے‘ اگر نہ ملخ کھائے کشت کو
مرزا غالب
✧･ﾟ: ✧･ﾟ: غزل :･ﾟ✧:･ﾟ✧
حسد سے دل اگر افسردہ ہے‘ گرمِ تماشا ہو
کہ چشمِ تنگ‘ شاید‘ کثرتِ نظاّرہ سے وا ہو
بقدرِ حسرتِ دل‘ چاہیے ذوقِ معاصی بھی
بھروں یک گوشہ دامن‘ گر آبِ ہفت دریا ہو
اگر وہ سرو قد‘ گرمِ خرامِ ناز آ جاوے
کفِ ہر خاکِ گلشن‘ شکلِ قمری‘ نالہ فرسا ہو
مرزا غالب
✧･ﾟ: ✧･ﾟ: غزل :･ﾟ✧:･ﾟ✧
شمارِ سُبحہ مرغوبِ بتِ مشکل پسند آیا
تماشائے بہ یک کف بردنِ صد دل، پسند آیا
بہ فیض بیدلی نومیدیٴ جاوید آساں ہے
کشایش کو ہمارا عقدہٴ مشکل، پسند آیا
ہوائے سیرِ گل آيئنہٴ بے مہریٴ قاتل
کہ اندازِ بہ خوں غلتیدنِ بِسمل پسند آیا
مرزا غالب
✧･ﾟ: ✧･ﾟ: غزل :･ﾟ✧:･ﾟ✧
آئینہ کیوں نہ دوں کہ تماشا کہیں جسے
ایسا کہاں سے لاؤں کہ تجھ سا کہیںجسے
حسرت نے لا رکھا تری بزم ِخیال میں
گلدستہ نگاہ سویدا کہیں جسے
پھونکا ھےکس نےگوش ِمحبت میں اے خدا
افسونِ انتظار تمنا کہیں جسے
سر پر ہجوم درد غریبی سے ڈالیے
وہ ایک مشتِ خاک کہ صحرا کہیں جسے
ھے چشم تر میں حسرت دیدار سے نہاں
شوقِ عناں گیختہ دریا کہیں جسے
درکار ھے شگفتن گلہاے عیش کو
صبح بہار پنبہ مینا کہیں جسے
غالب برا نہ مان جو واعظ برا کہے
ایسا بھی کوئی ھے کہ سب اچھا کہیں جسے
مرزا غالب
◇◆◇◆◇◆◇◆◇◆◇
Agar apko Ghalib ki Ghazal achi lgi to comment karein or apne doston k sath share karein. Our Urdu, English, Hindi, our Punjabi main Poetry, Quotes k liye website visit karein. Shukriya!
Best Shayari
